’انڈیا پاکستان تعلقات، کمیونٹی کردار ادا کرے’

جنوبی ایشیا میں دیرپا امن کے حصول کے لیے اس خطے کی دوجوہری طاقتوں میں تعلقات کی بہتری کے لیے برٹش پاکستانی اور انڈین کمیونٹی کو موثر کردار ادا کرنا چاہیے۔ یہ بات فورم فار انٹرنیشنل ریلیشنز ڈولمنٹ کی پریس ریلیز کے مطاوق تنظیم کے چئیرمین طحہ قریشی نے سابق وزیر خارجہ شاہ محمود قریشی سے گزشتہ روز ایک ملاقات کے دوران کہی۔

انہوں نے کہا کہ انڈیا اور پاکستان کے مابین تعلقات میں تناؤ کے سبب جنوبی ایشیا اس وقت کسی جنگ کا میدان نظر آتا ہےاور کوئی بھی واقعہ ان دو جوہری طاقتوں کو ایک دوسرے کے آمنے سامنےلا کھڑا کر سکتا ہے اور اگر ایسا ہوا تو اس میں ہزاروں افراد کی زندگیاں جائیں گی۔

انہوں نے کہا کہ برٹش پاکستانی اور انڈین کمیونٹی  کو اپنی اپنی حکومتوں کو اگلے پچاس سال تک ایک دوسرے سے کوئی جنگ نہ کرنے کے معاہدے کے لیے مجبور کرنا چاہیے۔

مسٹر قصوری نے اس موقع پر کہا کہ ایف آئی آر ڈی کےپلیٹ فارم سے دونوں کمیونٹیوں کو اس ایجنڈے پر عمل یقینا دونوں ممالک میں امن، ترقی اور خوشحالی کی کوششو میں مفید ثابت ہوگا۔  انہوں نے کہا کہ میڈیا کی شمولیت سے اس عمل میں ہر ایک کو سیاسی وابستگی سے بالاتر ہو کر کام کرنا ہوگا۔ 

انہوں نے کہا کہ دونوں ممالک کے مابین تعلقات کو بہتر بنانے میں سارک اور سیفٹا کے پلیٹ فارم کو بھی موثر انداز میں استعمال کیا جا سکتا ہے۔