مسلم چیرٹیرز کی جانب سے مفت ول سروس کا آغاز

برطانیہ کی چار بڑی چیرٹی تنظیمیں اسلامک ریلیف، مسلم ایڈ، امہ ویلفیر اور مسلم ہینڈز نے فرسٹ ایتھکل چیریٹیبل ٹرسٹ کے ساتھ مل کر اسلامک ولز سروس شروع کرنے کا فیصلہ کیا ہے۔

وہ لوگ جو اسلامی احکامات کی روشنی میں ایک مستند وصیت بنانے کے خواہش مند ہیں انہیں اس سلسلے میں مفت رہنمائی اور ہیلپ لائن کی سہولت فراہم کی جائے گی۔ ان سروسز کے تحت گائیڈ میں وصیت کا ایک ٹیمپلٹ بھی موجود ہوگا تاکہ لوگ اگر ضروری نہ ہو تو کسی پروفیشنل ایڈوائزر کے پاس جائے بغیر خود سے وصیت کے فارم کو پر سکیں۔

رمضان کے آغاز کے ساتھ ہی اس گائیڈ کی پینتس ہزار مفت کاپیاں بھی ستر مختلف مساجد میں تقسیم کی جائیں گی۔اس کے علاوہ مسلمانوں کی اہم سماجی نیٹ ورکنگ اور چاروں تنظیموں کی اپنی ویب سائٹس پر اس سلسلے میں ضروری معلومات فراہم کی جائے گی۔