برٹش ائیر ویز ایسٹ افریقہ امدادی سامان لے کر جائے گی

برٹش ائیر ویز ایسٹ افریقہ میں مفت سروسز کے تحت ایمرجسنی اشیاء اور دیگر ضروری ساز و سامان پہنچائے گی جہاں نصف ملین افراد شدید قحط سالی کے سبب بھوک سے مرنے کے قریب ہیں۔

بوئنگ 747 بارہ اگست کو آکسفام اور یونی سیف کا ایک دو دس ٹن وزنی ساز وسامان لے کر اتھوپیا کی طرف روانہ ہوگا۔ بیس سال میں اس خطے کو شدید ترین قحط سالی کا سامنا ہے جہاں صومالیہ، اتھوپیا اور کینیا  میں بارہ ملین سے زائد افراد بھوک اور بیماریوں کا شکار ہیں۔

امدادی سامان میں پانچ ہزار میٹرک ٹن پائپ شامل ہیں جو ایتھوپیا میں ڈولو ایڈو ریفوج کیمپ کو پینے کے پانی کی سپلائی کے لیے استعمال ہوں گے۔ علاوہ ازیں یونیسیف کی جانب سے راشن  اور ادویات ہیں۔

یکم اگست سے برٹش ائر ویز  کی پروازوں پر سفر کرنے والے مسافر بھی ڈیک کی ایسٹ افریقہ کے لیے ہنگامی امدادی اپیل میں چندہ دے رہے ہیں۔ برٹش ائیر ویز اس ہفتے کے آغاز میں متاثرہ علاقوں میں آکسفام کی جانب سے واٹر ٹینکس، نلکے، پائپ،واٹر پمپس اور دیگر فری کارگو پہنچا چکی ہے۔  برٹش آیر ویز اکسفام کے چالیس ماہرین کو  کینیا  اور وہاں سےمتاثر علاقوں میں جلد از جلد پہنچانے کے لیے مفت سروس فراہم کررہی ہے۔

آکسفام کی چیف ایگزیکٹو  باربرا اسٹاکنگ نے کہا کہ گزشتہ ماہ برطانوی لوگوں کی سخاوت سے ہم بہت متاثر ہوئے ہیں جس کے سبب ہم ایسٹ افریقہ میں ایک ملین لوگوں تک راسئئ میں کام ہوئے ہیں تاہم اب بھی بہت مدد کی ضرورت ہے۔ برٹش ائیر ویز کی کوششوں کو سراہتے ہوئے انہوں نے کہا کہ ادرے کی مدد سے تنظیم کو دو لاکھ پچاس ہزار پونڈ کی بچت ہوئی ہے علاوہ ازیں ڈیک  کی کیمپین کے لیےجمع کی جانے والی امدادی رقم سے یقینا مزید لوگوں کی زندگیاں بچائی جا سکیں گی۔

برٹش ائیر ویز کے چیریٹی ایبل پارٹنر تنظیم کومک ریلیف  پہلےہی ایک ملین پونڈ امدادی رقم کی مد میں دے چکی ہے۔