برٹش اداکارہ نینا واڈیا سائٹ سیور کی سفیر مقرر

برطانوی چیرٹی سائٹ سیور  نے معروف سوپ اداکار نینا واڈیا اور ہمیش پٹیل کو وژن انڈیا کیمپین کے لیے اپنا سفیر مقرر کرنے کا اعلان کیا ہے ۔ ہ بینائی سے محروم افراد کی تکلیف کو محسوس کرنے کے لیے ان  اداکاروں نے مکمل اندھیرے میں کھانا کھایا۔

انڈیا کے لیے تنظیم کی ریجنل ڈائریکٹر الزبیتھ کورئن نے کہا کہ ہم اپنی بنیائی پر کس قدر انحصار کرتے ہیں کہ کچھ دیر کے لیے بھی اندھیرے میں نہیں رہ سکتے۔انہوں نے کہا کہ یہ عمل ہمیں یقینا  ان 39 ملین افراد کے دکھ سے آشنا کرے گا جو آنکھوں کی نعمت سے محروم ہیں جن میں سے پندرہ ملین انڈیا میں ہیں۔

نینا نے کہا کہ تنظیم کی سفیر بن کر انہیں خوشی ہوئی ہے اور وہ انڈیا میں تنظیم کے کام کے بارے میں اور لوگوں کو بھی بتائیں گی  تاکہ وہ آنکھوں سے محروم ان افراد کی مدد کرسکیں۔ یہ بڑے دکھ کی بات ہے کہ دنیا بھر میں 39 ملین افراد نابینا ہیں جبکہ ان میں سےاسی فیصد کی  آنکھیں علاج سے ٹھیک ہو سکتی ہیں۔

ہمیش نے کہا کہ آنکھوں کے بغیر ایک گھنٹے کے لیے بھی رہنا کسی چیلنج سے کم نہیں ہے۔ اندھیرے میں رہ کر احساس ہوا کہ ہماری آنکھیں کس قدر اہم ہیں جبکہ نابینا افراد کو ہر روز جو مشکلات جھیلنی پڑتی ہیں ان کا ہم سوچ بھی نہیں سکتے۔

سائٹ سیور 1986 سے انڈیا میں نابینا افرادکے لیے کام کررہی ہے اور اب تک چار ملین افراد کو آنکھوں کے علاج میں مدد فراہم کرچکی ہے۔