آئی میک اپ کے نئے مقبول ٹرینڈز

کہا جاتا ہے کہ اکثر جو باتیں ہونٹ نہیں کہہ سکتے وہ آنکھیں کہہ دیتی ہیں۔ اگر ایسا ہے تو آنلہوں کو مزید پرکشش بنائیں۔ آنکھوں کا میک اپ انہیں پرکشش بنانے میں بڑا متاثرکن کردار ادا کرتا ہے۔آنکھوں کے مختلف قسم کے میک شخصیت اور تقریب کے لحاظ سے کیے جا سکتے ہیں۔ تاہم  یہاں ہم آپ کی آسانی کے لیے آئی میک اپ کے لیٹس ٹرینڈز کے حوالے سے چند ٹپس دے رہے ہیں۔

نیچرل کلرز:
کوئی بھی ہلکے رنگ کے آئی شیڈ کلر کو  پپوٹو پر آنکھوں کے کونے سے آخر تک لگائیں ۔ آنکھوں پر ہلکے رنگ کا آئی لائنر اور مسکارا لگائیں۔ گرمیوں میں ہلکے پیچ، کورل اور ہلکا گلابی آئی شیڈ بہتر لگے گا  سردیوں میں گہرے چاکلیٹ یا پھر  ہلکے اور گہرے رنگ کے امتزاج میں آئی شیڈ لگائیں۔

برائٹ بلیوز:
اسی کی دہائی میں یہ رنگ بڑا مقبول تھا۔ آج یہ رنگ دوبارہ فیشن میں آگیا ہے۔  اپنے لباس کے رنگ کی مناسبت سے نیلے آئی شیڈ کو دوسرے رنگوں کے امتزاج میں لگائیں مگر اس قدر نہ لگائیں کہ آنکھوں کو برا محسوس ہو۔  بصورت دیگر آپ خود کو اچھا خاصا جوکر بنا لیں گی۔  اگر آپ آنکھوں پر گہرا آئی شیڈ لگا رہی ہیں تو پھر  لپ اسٹک اور بلش کے معاملے میں ہلکے رنگ کا انتخاب کریں۔

میٹالک کلرز:
میٹالک کلرز فیشن ورلڈ میں اس وقت بڑے مقبول ہیں۔ آنکھوں سے کپڑوں اور بیگز اور جوتوں غرض ہر ایک میں یہ رنگ بہت پسند کیے جاتے ہیں۔اپنی آنکھوں کے لیےبرونز، گولڈ یا سلور رنگ کا انتخاب کریں۔  اس کے ساتھ باریک آئی لائنر اور ہونٹوں پر ہلکےنیچرل کلر  کا گلوز اچھا لگے گا۔

سموکی آئی شیڈ: 
بلیک براؤن یا ہلکے جامنی رنگ کے آئی شیڈ کے ساتھ گرے کلر کو ملا کرلگائیں۔ اپنے لباس اور شخصیت کو مدنظر رکھتے ہوئے کوئی ایک رنگ چنیں اور اس کنٹسراس میں آنکھوں پر لگائیں۔