موسم سرما کے چمکتے نیل کلر ٹرینڈز

سردیوں کا موسم بس قریب قریب ہی ہے  اور خشک سرمئی موسم میں موڈ کو خوشگوار رکھنے کے لیے شخصیت میں اگرتھوڑی سی تبدیلی کرلی جائے تو اس سے نہ صرف خود اچھا محسوس کریں گی ۔یہاں ہم  موسم سرما کی مناسبت سے نیل پالش کے کچھ ٹرینڈز بتا رہے ہیں جو  آپ مختلف ملبوسات کی میچنگ سے ناخنوں پر لگا سکتی ہیں۔

گلٹری میٹالک:
سردیوں میں یہ ٹون آپ کے ہاتھوں کو ایک پرکشش لک دے گا۔ میٹالک نیل کلر ان دنوں  فیشن کے حلقوں میں  بہت مقبول ہیں اور ہم رنگ یا میچنگ ملبوسات اور جیولری کے ساتھ یقینا بہت اچھا لگے گا۔

مشروم، گریج،  ٹوپ:
سردیوں کے خشک موسم میں یہ رنگ یقینا موڈ کو بہتر بنانے کے ساتھ ا آپ کی انگلیوں کو پرکشش بنائے گا۔ یہ کلر گزشتہ گرمیوں میں متعارف کروایا گیا ہے۔   نیل پولش پسند کرنے والی خواتین کے لیے یقینا یہ نیل کلر رینج میں ایک اچھا اضافہ ہے۔اس گروپ کے شیڈز  براؤن، گرے، ٹوپ کلرز رینج میں دستیاب ہیں۔یہ ہر لباس کے ساتھ بخوبی میچ ہوجاتے ہیں۔

سپر ڈارک ،  تقریبا سیاہ:
اس میں گہرا جامنی، نیلا اور سرمئی رنگ شامل ہے۔ ملبوسات میں گلابی اور اس کے شیڈز کے ساتھ یہ نیل کلرز اچھے لگیں گے۔گہرا لال، نیلے  اور ہرے  رنگ کے امتزاج  کے ملبوسات کے ساتھ یہ نیل کلر آپ کے ہاتھوں کو جاذب نظر بنائے گا۔

آسمانی نیلا:
یہ رنگ غالبا بہت سے لوگوں کو غیر متوقع لگے گا مگر سردیوں کے حساب سے یہ کلر انگلیوں کو نئی لک دےگا اور ہاتھ کچھ الگ سے نظر آئیں گے۔ اس موسم سرما میں چمکتے،  او ر کچھ الگ سے نیل کلر سےاپنے ہاتھوں کی خوبصورتی میں اضافہ کیجیے۔