لندن میں انڈین طالب علموں کا ’مستقبل خطرے میں’

لندن میں ایک بزنس سکول کے بند ہونے سےمتاثرہ ہونے والے  انڈین طالب علم  کی اکثریت کو دیگر کالجوں میں داخلے دیئے جائیں گے۔ انڈین حکومت نے بھی ان طالب علموں کو یقین دہانی کروائی ہے کہ وہ ان کے مستقبل پر کوئی  منفی اثرات نہیں پڑنے دے گی۔

انڈیا کے شہر پونے میں ٹاسمیک نامی انسیٹیوٹ  کے لندن کیمپس کو جو ایم بی اے کے کورسز آفر کرتا ہے  اور یونی ورسٹی آف ویلز سے توثیق شدہ  ہے، شارٹ ٹرم کورسز کے قواعد و ضوابط میں تبدیلی کے سبب گزشتہ ہفتے بند کردیا گیا تھا ۔

یونی ورسٹی آف ویلز  کا کہنا ہے کہ وہ دیگر یونی ورسٹیوں سے رابطے میں کہ اس خاص کورسّ میں داخلہ 650 طالب علموں کو کہیں اور داخلہ مل سکے۔تاہم انہیں یوکے بی اے کے قواعد کے مطابق انہیں دوسرے کالجوں میں منتقل کیا جائےگا۔

دہلی میں منسٹری آف ایکسٹرنل افئیرز کے ترجمان کا کہنا تھا کہ لند ن میں ہمارا سفارت خانہ ٹاسمیک سے مسلسل رابطے میں ہے جس کے مطابق وہ یونی ورسٹی آف ویلز کے ساتھ مل کر ان طالب علموں کو دوسرے تعلیمی اداروں میں بھیجنے پر کام کررہا ہے تاکہ ان طالب علموں کا سال ضائع نہ ہو سکے۔

یوکے بارڈر ایجنسی  کے ترجمان کا کہنا ہے کہ ٹاسمک نے عندیہ دیا تھا کہ وہ مزیدغیرملکی  طالب علموں کو اسپانسر نہیں کرے گا اور اپنے لائسنس سے دست بردار ہو جائے گا۔  اس سال اپریل میں ہم نے اعلان کیا تھا کہ غیرملکی طالب علموں کو اسپانسر کرنے والے تمام تعلیمی ادارو ں کو ہائیلی ٹرسٹیّ اسپانسر کی کلاس دی جائے گی اور انہیں 2012 تک ایک منظورہ کردہ ادارے سے اپنے نظام کا معائنہ کروانا ہوگا۔  اس کے تحت بوگس کالجوں کے تدارک میں مدد ملے گی۔

ان قواعد وضوابط کی روشنی میں یونی ورسٹی آف ویلز نے صرف اپنے منظور کردہ کورسز  پر ہی ڈگیر جاری کرنے کا اعلان کیا تھا۔