آئی ایم ایف کی لائن کلئیر کردی

افغانستان میں پارلیمان نے ملک کے سنٹرل بینک کو  بیل آؤٹ پیکج  کی مد میں رقم کی ادائیگی کی منظوری دے دی ہے جس کے بعد توقع ہے کہ  آئی ایم ایف ملک کو نئے قرضے جاری کرسکے گا۔

ایوا ں زیریں میں منظور کیے گئے ایک سپلیمنٹری بجٹ کے مطابق  سینٹرل بینک کو 825 ملین پونڈ میں سے پہلی قسط یعنی 51 ملین پونڈ کی فوری کی ادائیگی کی جائے گی  جو اس نے کابل بینک انتظامیہ اور حکام کی کرپشن کے نتیجے میں بینک کو دیوالیہ  ہونےسے بچانے کے لیے ادا کیے تھے۔

آئی ایم ایف نے نئے قرض کی منظوری کے لیے پارلیمان سے منظوری کی شرط عائد کی تھی۔ آئی ایم ایف کے ہاتھ کھینچتے ہی ملک میں امدادی پروگرام کے لیے جاری اربوں ڈالر بھی تعطل کا شکار ہو گئے تھے۔ گزشتہ سال اس مالیاتی اسکینڈل کی وجہ سے ملک کا معاشی نظام تباہی کے دہانے پر پہنچ گیا تھا۔ بینک کے پیسوں میں ایک بلین ڈالرکی اس کرپشن میں حامد کرزئی اور نائب صدر محمد قاسم کے رشہ ادر ملوث تھے۔  اس واقعے کے منظر عام پر آتے ہی افغان حکومت نے بینک کو اپنی تحویل میں لے کر دو حصوں میں تقسیم کرکے چوری کیا گیا کچھ پیسہ واپس لانے میں کامیا بی حاصل کی تھی۔