ترقی پسند صحافی حمید اختر کی یاد میں تقریب

فیض فاؤنڈیشن کے زیراہتمام ترقی پسند شاعر حمید اختر کی یاد میں ایک تقریب سے خطاب میں  مقررین نے کہا کہ حمید اختر جیسے لوگ روز پیدا نہیں ہوتے۔  انہوں نے اپنے شعبے میں جس قدر نام کمایا اس کو ہمیشہ یاد رکھا جائے گا۔

لیٹن اسٹون لائبریری میں گزشتہ روز ہونے والی اس تقریب کی صدارت پروفیسر امین مغل نے کی۔ پروفیسر امین مغل نے کہا کہ ان کا  اور حمید اختر کا بڑا پرانا تعلق ہے۔انہوں نے کھبی ذاتی فوائد کے لیے صحافتی اصولوں کو قربان نہیں کیا بلکہ جو دیکھا اور محسوس کیا وہ لکھا۔

آصف جیلانی نے کہا کہ اختر حسین اشتراکیت کے فلسفے پر یقین رکھتے تھے۔  مظہر علی خان نے کہا کہ ان کا پورا دور صرف ان کی جدوجہد کے حوالے سے یاد رکھا جائے گا۔

تنویر زمان نے کہا کہ حمید اختر نے اپنی زندگی کے 75 سال م ترقی پسند تحریک کی ترویج میں صرف کیے اور پسے ہوئے عوا م کے مسائل کو اجاگر کیا۔

محمد سرور نے کہا کہ حمید اختر نے کھبی اصولوں پر سمجھوتہ نہیں کیا۔  عاصم شاہ نے حمید اختر  کی تصنیف  سے چند اقتباسات پڑھ کر سنائے۔ تقریب کے آغاز میں حمید اختر  کا ایک ٹی وی انٹرویو بھی دکھایا گیا۔