برٹش میوزیم کی حج نمائش جنوری میں

برٹش میوزیم اگلے سال جنوری میں اسلام کے ایک اہم فریضہ حج پر اپنی نوعیت کی پہلی شاندار نماش کا اہتمام  کررہی ہے۔ حج  اسلام کے پانچ ستون میں سے ایک ہے اور اس کے روحانی سفر کو تاریخی اہمیت حاصل ہے۔

اس نمائش میں  مختلف تاریخی نوادرات کے علاوہ عہد حاضر کا آرٹ ورک بھی رکھا جائے گا جس کے ذریعے صدیوں قبل اور آج کے دور میں حج کی گلوبل اہمیت کو بیان کیا جائے گا۔

اس نمائش میں تین طریقے سے  حج  کی اہمیت پر روشنی ڈالی جائے گی جن میں حاجیوں کا افریقہ، ایشیا، یورپ اور مڈل ایسٹ سےسفر حج ، آج کا حج،  اور حج کی منزل یعنی مکہ کی اہمیت شامل ہیں۔
اس مقصد کے لیے کئی تنظیمیوں اور افراد اپنے ذخیرہ سے کئی نادر اشیاء  نمائش کے لیے دے رہے ہیں جن میں آرکیالوجیکل میٹریل،  مینواسکرپٹ، ٹیکسٹائل، تاریخی فوٹو گراف، اور عہد حاضر کے آرٹ کے نمونے شامل ہیں۔

نمائش 26 جنوری سے پندرہ اپریل تک جاری رہے گی۔