مسلم رائٹرز ایوارڈز کی تقریب 22 نومبر کوہوگی

مسلم رائٹرز ایوارڈز کے منتظمین نے اعلان کیا ہے کہ اس سال ایوارڈز  کی تقریب بائیس نومبر کو ہو گی جس میں پانچ بر اعظموں سے مصنفین اور لکھاریوں کی تحریوں کو شامل کیا جارہا ہے۔

رواں سال ان ایوارڈز کے انقاد  کو پانچ سال مکمل ہوجائیں گے اور اس سال تین نئی کیٹیگریز صحافت، بچوں کی شائع کتابیں اور اسکرین پلے کو شامل کیا گیا ہے۔

پروجیکٹ کے ڈائریکٹر عرفان اکرم نے کہا کہ 2006 میں ایوارڈ کے انعقاد کے بعد سے لکھنے والوں کے انداز تحریر میں مزید پختگی آئی ہے۔ توقع ہے کہ مستقبل میں برٹش مسلم کمیونٹی سے کئی اچھے لکھنے والے سامنے آئیں گے۔

بیرونس سعدیہ وارثی نے کہا کہ برٹش مسلم کمیونٹی کے مصنفین کی تحریوں کو دنیا کے سامنے لانے کے لیے ایوارڈ منتظمین یقینا اچھا کام  کررہے ہیں۔ اس سے یقینا دوسروں کو بھی تحریک ملے گی۔ججز پینل کی نمائندگی کرتے ہوئے سمن پروسر نے کہا کہ تمام تحریریں  بالکل اچھوتی اور سچائی سے بھرپور ہیں اور دنیا کے سامنے ایک نیادر وا کریں گی۔

تقریب میں داؤد وانسبائی اور شاعر  زیڈ دی پوئنٹ اپنی پرفارمنس سے  شرکاء کو محظوظ کریں گے۔