’موسٹ فیورٹ نیشن’ کے فیصلےکا خیرمقدم

انڈیا نے پاکستان  کی جانب سے ’موسٹ فیورٹ نیشن قرار دیے جانے کے فیصلے کو خوش آئند قرار دیا ہے اور کہا ہے کہ دو طرفہ معاملات میں مثبت انداز میں آگے بڑھنے کا اشارہ ہے۔
یونین کے کامرس منسٹر آنند سرما نے کہا کہ ہم اس مثبت اقدام کی قدر کرتے ہیں  اور یہ من موہن حکومت اور انڈین عوام اور پاکستان حکومت اور ان کے عوام معاملات کو مثبت انداز میں آگے بڑھانا کی خواہش کا واضح اٌظہار ہے۔

انہوں نے زوردیتے ہوئے کہا کہ پاکستان کے اس فیصلے سے خطے میں استحکام ،تجارت کے فروغ اور روزگار کے مواقعوں کو بہتر بنانے میں مدد ملے گی۔ انہوں نے مزیدکہا کہ معاشی انگیجمنٹ، تجارت، اور آمدورفت کے سلسلے میں حائل پابندیوں کو ہٹانے سے صنعتی ترقی سے یقینا  خطے میں خوشحالی  آئے گی۔

پاکستان کی کابینہ نے گزشتہ دنوں متقفہ طور پر انڈیا کو ’موسٹ فیورٹ نیشن’ ٹریڈ اسٹیسٹس دیےجانے کی منظوری دی تھی۔ اس  فیصلے کودونوں جوہری طاقتوں کے درمیان تعلقات کو بہتر بنانے کی طرف ایک اہم قدم قرار دیا جارہا ہے۔ پاکستان کی جانب سے انڈیا کو  ایم ایف این کا درجہ دیتےہی نان ٹیرف پابندیاں ہٹا لی گئ ہیں۔ یہ اسٹیٹس دونوں پارٹنر کو متوازی تجارت کی سہولیات اور مواقع فراہم کرتا ہے۔