طلباء پر جدیدتعلیم کے فروغ پر زور

برطانیہ میں پاکستان کے ہائی کمشنر واجد شمس الحسن نے جدید تعلیم کے حصول کی ضرورت پر زور دیتے ہوئے توقع ظاہر کی ہے کہ برٹش انسٹیٹیوٹ آف ٹیکنالوجی سے فارغ التحصل طلباء اپنے ملکوں میں متعلقہ شعبوں کی ترقی میں اہم کردار ادا کریں گے۔

کوئن الزبیتھ ٹو کانفرنس سینٹر میں گزشتہ روز  برٹش انسٹیٹیوٹ آف ٹیکنالوجی اینڈ ای کامرس (بائیٹ)  کی  ڈگری ایوارڈ کی تقریب سے خطاب میں انہوں نے سترہ سو کامیاب  طلباء کو مبارکباد دیتے ہوئے کہا کہ  اورسیز اسٹوڈنٹس یہاں سے سیکھ کر نہ صرف اپنے ممالک میں بلکہ اس معاشرے کی ترقی میں بھی اپنا کردار ادا کریں گے۔

انہوں نے کہا کہ بائیٹ طلباء کو اعلی معیار کی جدید ٹیکنالوجی پر مبنی تعلیم و تربیت تو دوسری طرف انہیں عملی زندگ میں قدم رکھنے کے مواقع بھی فراہم کیے جارہے ہیں جو خوش آئند ہے۔سری لنکا کے ڈپٹی ہائی کمشنر پی ایم اعزما نے کہا کہ ڈگری حاصل کرنے والوں میں دو سو سےزائد سری لنکن طالب علم  بھی ہیں  جن سے وہ یہی کہیں گے کہ تیس سالہ خانہ جنگی کے خاتمے کے بعد اب ان کے ملک کو ان کی ضرور ت ہے   اور  وہ یہ اسکلز  اپنے ہم  وطنوں کو سکھائیں ۔

انہوں نے کہا کہ بائیٹ کا ایک کیمپس سری لنکا میں کھولے جانے پر بات چیت جاری ہے۔بائیٹ  کےچانسلر لارڈ نذیر احمد نے کہا کہ اس سال سترہ سو طالب علموں نےمختلف مضامین میں بیچلرز، ماسٹر زاور  ایم ایس سی  کی ڈگری  حاصل کی ہے جبکہ ادارہ جلد پی ایچ ڈی کے کورسز بھی شروع کرے گا۔ طالب علموں کو تعلیم کے ساتھ مارکیٹ  ٹرینڈز سے متعارف کروانے کے لیے بڑی کمپنوں کو مدعو کیا جاتا ہے جو طالب علموں سے انٹرایکشن کرتے ہیں۔ ہمم نے ڈگری ایوارڈنگ کے لیے بھی درخواست دےرکھی ہے۔

برطانیہ میں ممکنہ 450 کالجز کی بندش کے ایک سوال کے جواب میں انہوں نے کہا کہ طالب علموں کو سزا دینے کی بجائے بوگس کالجز کے خلاف قدامات اٹھائے جانے چاہیے۔

ڈاکٹر رمی رینجر نے اپنی زندگی کے تجربات پر روشنی ڈالتے ہوئے کہا کہ آگے بڑھنے کے لیے خاندانی دولت، نام یا اچھی تعلیم سے زیادہ محنت اور لگن ضروری ہیں۔ انہوں نے اپنی  پہلی کمپنی دو پاؤنڈ سے شروع کی  اور آج اس کا ٹرن اوور ملین میں ہے  اور یہ سب انہوں نے اپنے بل بوتے پر کیا۔ 

ادارے کے چیف ایگزیکٹو ڈاکٹر  محمد فارمر نے کہا کہ بائیٹ 2000میں قائم کیا گیا جس کے قیام کا مقصد یہی تھا کہ طالب علموں کو  جدیدیت اورعہد حاضر کے تقاضوں کے مطابق تعلیم دی جائے  اور  ادارے سے  نکلنے والے طالب علم مارکیٹ میں باآسانی جاب حاصل کرسکیں۔ انہوں نے بتایا کہ ساٹھ ممالک سے طالب علم ان کے انسٹیٹیوٹ میں پڑھنے آتے ہیں۔ہم  بزنس کو  انگیج کرتے ہیں تاکہ  ہمارے اسٹوڈنٹس کو ملٹی نیشنل کمپنیز کے ساتھ کام کرنے کے زیادہ سے زیادہ کام کا مواقع مل سکے۔ دوسرے لفظوں میں طالب علموں کا تعلیم کے ساتھ انڈسٹری سے بھی  تعلق  جڑا رہے۔ اس وقت جنوبی ایشیاء سے دوہزار طالب علم زیر تعلیم  ہیں۔ تاجکستان اور سری لنکا میں کیمپس کھولنے جانے پر کام ہورہا ہے۔

تقریب کے  آخر میں مختلف شعبوں میں نمایاں کاکردگی پر طلباء کو ایواڈز دیے گئے۔ رواں سال بزنس ایوارڈ سن مارک لمیٹیڈ  کے ایم ڈی ڈاکٹررمی رینجرز کو دیا گیا۔