ایشوریا بچی کی ماں بن گئیں

بالی وڈ ایکسٹریس ایشوریا رائے نے بدھ کو ایک بچی کو جنم دیا ہے جس کا اعلان ان کے شوہر ابھیشک نے ٹوئٹر پر کیا۔

انہوں نے ٹوئٹر پر کہا کہ ’اٹس اے گرل’۔ ان کے دادا اور بال وڈ کے سینئیر ایکٹر امیتابھ بچن بھی اپنی خوشی کو نہیں چھپا سکے اور انہوں نےٹوئیٹ کیا کہ’ میں دادا بن گیا۔ ایک انتہائی بیاری سی بچی کا’۔

اس سلسلے میں مزید تفصیلات جاری نہیں کی گئی ہیں۔

38سالہ مس ورلڈ ایشوریا رائے کی ابھیشیک بچن سے شادی کو چار سال سے زائد کا عرصہ ہوگیا  تھا جبکہ گزشتہ چند سال  میں  جوڑے کے یہاں بچے کی ودلات سے متعلق چہ مگوئیاں جاری تھیں تاہم جون میں ایشوریا کے حاملہ ہونے کی خبر کے بعد میڈیا  کی توجہ دیگر باتوں پر ہو گئی۔  ان کے ہاں بچے کی ودلات نومبر میں متوقع تھی اور انڈیا میڈیا پاگلوں کی حدتک اس معاملے پر نظر رکھے ہوئے تھا۔ وہ گزشتہ پیر کو ہسپتال میں داخل ہوئیں۔

1994 میں مس ورلڈ کا تاج کا  حاصل کرتے ہی  انہوں نےدنیا کی سب سے خوبصورت خاتون کا خطاب حاصل کیا۔ بعد میں انہوں نے  بالی وڈ کی متعدد کامیاب فلموں میں کام کیا جن میں ’ہم دل دے چکے صنم’ اور ’دیوداس’ شامل ہیں۔ انہوں نے کئی ہالی وڈ فلموں میں بھی اداکاری کے جوہر دکھائےجن میں پنک پینتھر ٹو  شامل ہے جبکہ وہ باقاعدگی کے ساتھ کانز کے فلمی میلے میں شریک ہوتی ہیں۔

بچن خاندان میں یہ تیسرے بچے کی ودلات ہوئی ہے اس سے قبل امیتابھ اور جیا بچن کی بڑی صاحبزادی کے دو بچے ہیں۔