گوگل پر قطرینہ کی تلاش

قطرینہ کیف  نے انٹرنیٹ پر سرچ کے اعتبار سے کرپشن کے خلاف جدوجہد کرنے والے انا ہزارے کو پیچھے چھوڑ  دیا ہے ۔ سرچ انجن گوگل انڈیا کی ایک رپورٹ کے مطابق انٹرنیٹ یوزرز میں موضوعات اور شخصیات کے حوالے سے  قطرینہ کیف سب سے زیادہ سرچ کی جانے والی شخصیت ہیں جبکہ انا ہزارے ۔ تیزی سے ابھرنے والے لوگوں کی فہرست میں دوسرے نمبر پر ہیں جبکہ اس فہرست میں پونم پانڈے دوسرے نمبر پر ہیں۔دیگر نیوز آئیٹم  میں کرکٹ لیگ آئی پی ایل  پہلے نمبر پر جبکہ لوک پال بل اس فہرست میں پانچویں نمبر پر ہے۔

گوگل پر کھیل کی دنیا میں کرکٹ ورلڈ کپ 2011 سب سے زیادہ سرچ کیا جانے والا ایونٹ رہا جبکہ سچن ٹنڈولکر  سب سے زیادہ سرچ کی جانے والی اسپورٹس پرسنالٹی رہے ہیں۔ گوگل پر فیس بک ٹاپ سرچز میں شامل رہی ہے جبکہ دوسرے نمبر پر یو ٹیوب ہے۔ رپورٹ میں دلچسپ بات یہ نظر آئی کہ گزشتہ سال کے مقابلے میں انٹرنیٹ پر سرچ کرنے کا رحجان شہروں سے گاؤں دیہاتوں کی طرف منتقل ہو گیا ہے۔

گوگل انڈیا کے ہیڈ آف پراڈکٹس لتیش کٹگردا نے کہا کہ ستر فیصد سرچ  شہروں سے باہر سے ہوئی ہے جبکہ موبائل فون پر انٹرنیٹ کا استعمال بڑا ہے۔انہوں نے مزید کہا کہ اس سال گوگل استعمال کرنے والوں کی تعداد 125 ملین پر پہنچ گئی ہے اور تقریبا پچاس ملین افراد موبائل فون کے ذریعے انٹرنیٹ پر  لاگ ان ہوئے۔