سردیوں کے موسم میں نئےٹرینڈی ہیٹس

سردیوں کے موسم کے قریب آتے ہی  لباس کے ساتھ ہیٹ سردیوں سے بچاؤ کے علاوہ شخصیت  کو جاذب نظر بنانےکے لیے استعمال کی جاتی ہے تاہم اگر انہیں فیشن کے حساب سے پہنا جائے تو وہ شخصیت کو چار چاند لگا دیتی ہیں۔  ہم فال ونٹر سیزن میں مردوں اور خواتین کے لیے ہیٹس کے نئے ٹرینڈز کے بارے میں بتا رہے ہیں۔وائڈ برم، فیڈورا ہیٹ  اور اسکول کیپ سے لے کر بالر ہیٹ تک  مارکیٹ میں دستیاب ان نت نئے اسٹائل سےشخصیت کو جاذب نظر بنایا جا سکتا ہے۔

وائڈ برم ہیٹس:
ہیٹس کا  یہ انداّز مردوں اور خواتین دونوں میں خاصا مقبول ہے۔  ٹوپی کا یہ انداّز شخصیت میں رومانیت کے ساتھ دوسروں کو متوجہ کرنے کا سبب بنتا ہے۔ اس ہیٹ کے ساتھ  کھلے پائنچوں والا ٹراؤزر ،  ڈھیلے بلاوز ، بو ٹائی نیک اور ستر کی دہائی کے  ڈبل بریسٹ اسٹائل کی جیکٹ  زیادہ اچھی لگے گی۔  مرد  وائڈ برم ہیٹس کے ساتھ جدید تراش خراش کے سوٹ  پہن سکتے ہیں۔

فیڈورا ہیٹس:
ہیٹس کا یہ انداز  مختلف اسٹائل  اور رنگوں کے ساتھ   مارکیٹ میں دستیاب ہے۔ اس میں پر لگا کر اس کو مزید جاذب نظر بنایا جاتا ہے جبکہ ایوننگ ملبوسات کے ساتھ پہنا جا سکتا ہے۔ سیلیبریٹیرز انہیں شوق سے پہنتے ہیں یہ بہت سے اسٹائل اور فیبرکس میں بازار میں دستیاب ہیں۔

وینٹیج ہیٹس:
یہ ایوننگ گاؤنز  اور فلیپر انداز کے فر کے ساتھ دلکش لگے گی۔ وائڈ برم اور فیڈوا ہیٹس کے مقابلے میں یہ نسبتا کم ٹرینڈی  ہیں تاہم  یہ کسی بھی لباس کو دلکش بنا سکتی ہے۔

بالر ہیٹس:
دنیا بھر میں اس قسم کی ہیٹس پہلے ہی بہت مقبول ہیں اور اگر آپ اپنی وارڈ روب کو نیا ٹرینڈی لک دینا چاہتے ہیں تو ٹرینڈی بالر  ہیٹس یقینا ہر لباس کے ساتھ خوبصورت معلوم ہوں گی۔

سردیوں کے موسم میں میچنگ ہیٹ  آپ کے لباس اور شخصیت کو مزید خوبصورت بنانے کے ساتھ دیکھنے میں ایک اچھا تاثر قائم کرتی ہیں اورملبوسات کے ساتھ میچنگ ہیٹ پہننے کےشوقین افراد فیشن کے حلقوں میں چلنے والے تازہ ٹرینڈز کا جائزہ لیں۔