انگلینڈ بمقابلہ پاکستان: وہاب ریاض ٹیم میں شامل

پاکستان نے انگلینڈ کے خلاف متحدہ عرب امارات میں کھیلی جانے والی ٹیسٹ سیریز  کے لیے لیفٹ آرم بالر وہاب ریاض کو  ٹیم میں طلب کرلیا ہے۔

26 سالہ وہاب ریاض کا نام حالیہ میچ فکسنگ ٹرائل میں سامنے آنے کے بعد انہیں بنگلہ دیش کے ٹور میں شامل نہیں کیا گیا تھا۔ انگلینڈ کے خلاف سیریز  میں عمر اکمل کو بھی شامل کیا گیا ہے جبکہ سابق کپتان شعب مملک اور محمد خلیل اسکواڈ کا حصہ نہیں۔ انگلینڈ اور پاکستان کے درمیان پہلا ٹیسٹ سترہ جنوری کو دبئی میں کھیلا جائے گا۔

واضح رہے کہ سلمان بٹ کی جگہ ٹیم کی قیادت سنبھالنے والے مصباح الحق کی زیر کپتانی پاکستان نے تین ٹیسٹ سیریز جیتی ہیں جبکہ دو میچ سیریز ڈرا ہوئیں، پاکستان نے ون آف ٹیسٹ میں زمباوے  کو ہرایا اور  ورلڈ کپ کے سیمی فائنل میں پہنچا تھا۔

2009 میں سری لنکن ٹیم پر دہشت گردوں کے حملوں کے بعد سے پاکستان کے خلاف میچ یو اے ای میں کھیلے جارہے ہیں جہاں  پاکستان اورانگلینڈ کے درمیان چار ون ڈے انٹرنیشنل اور تین ٹی ٹوئنٹی میچ کھیلے جائیں گے۔

پاکستان اسکواڈ:  مصباح الحق (کپتان)،  محمد حفیظ، توقیر عمر،  عمران فرحت، اسد شفیق، یونس خان، عمر اکمل، عدنان اکمل(وکٹ کیپر)، اظہر علی، عمر گل، اعزاز چیمہ، وہاب ریاض، محمد طلحہ،  سعید اجمل، عبدالرحمان اور جنید خان  (فٹنس سے مشروط)۔